Wala in kozman mi koné dopi lontan é mi arète pa poz amwin késtyon dsi sète afèr-la.

Dabor si bondyé i pini pa galé mi panss sa i vé dir li pini sak la fé dé shoz lé pa rokomandab konm lo péshé mortèl kom i di dann la rolijyon. Sansa in movèz akssion in moune la komète dann son vi dsi la tèr.

Mi rapèl in zour mwin la ékrir si Bon Dyé lé vréman bon, mi panss pa li pini, mi panss plito li rékonpanss sak la komète bon kalité zakssion dann zot vi dsi la tèr. Figuir azot mwin la aprann sa d’apré mwin san pliss aprofondir ali.

Mé la pa toussa.Si mi di kékshoz konmsa in moune li va panss mi ménass ali avèk in pinission Bondyé si li konm mwin ni pran lo kozman o promyé dogré. Mé wala lé rar dan la vi i pran in kozman o promyé dogré. An kontrèr i pran lé shoz o dézyèm épi o troizyèm dégré.

Donk sak mi di la pa in ménass pou de vré é sé konmsa mi oi sa é mi invite azot pou rofléshir la dsi ziska ni retrouv sipétadyé.