Mézami mi koné pa si zot néna souvnanss mardi gra dann tan lontan-bann jenn biensir ké non, é pou bann vyé néna si tèlman lontan lé possib zot i ansouvien pi-, dann tan téi fé pa bonpé la fète pars l’avé pwin lo moiyin , mé l’avé déssèrtènn fète téi konte é demoune téi fète.

Sé konmsa k’téi fète mardi gra.Pou bann krétien, mardi gra i tonb ziss avan lo mèrkrédi dé sann, promyé zour d’karèm é la pèryode karèm téi arète avèk dimansh ramo.E lo poulayé dann toussala ? Dann sinéma sa lété bann plass popilèr é lo moune téi sava té sak l’avé pwin bonpé larzan mé téi rogarde zot fime bien konm k’i fo.

kan fime té fini, demoune poulayé téi fane épi téi disparète. Sé pou sa k’i di : « Dann poulayé na pi volaye ! » é sa téi vé dir lo fime lé fini é shakinn i rante shé soi.Dann somi-lo mo lo gran Daniel Honoré té éktri sa té in formil pou anonss lo bal lé fini.Finalman zot i oi dann tan l’avé d’gou finalman avèk bann pti plézir sinp k’i rode pa lo boute.

Mi kite azot rofléshir la dsi é ni retrouv pli dvan,sipétadyé.