Médam, zé Méssyé, la sosyété, koz èk mwin sé koz èk in kouyon, mé sé o pyé d’lo mir k’i oi lo masson. Kozman moin la mark an-o la, sa sé konm i di lé koni konm Barabass dan la passyon mé mwin lé a d’mandé si li lé pa in pé tro optimist kan wi gard ali koté d’lintélizans .Pou kossa mi di sa ? Pars sanm pou mwin, opliss i sava, opliss néna dé shoz pou konprann donk lé forsé ké momandoné néna dé shoz k’i éshape de moun normal. Antansyon mi vé pa mèl amwin zistoir bann savan épi bann filozof, mé zistoir lo moun normal i viv an sosyété i pé konète é poitan sa i éshape azot é pa arien in n’afèr, mi pé dir azot. Alé ! A pli d’van ! Sipétadyé.