Mézami zordi lo tan lé mossade.La fré i trape aou dsi lé z’antournir.Tazantan in pti srin d’plui i glass aou ziska lo zo…Sé l’èr pou rèv bann zoiné ansoléyé. Sé l’èr pou santi lo solèye sho kan li bril la po épi li andor léspri.

An-o la mwin la ékrir bann moune parèss i pass lo tran pou shof solèye toute la zoiné. Mwin la di sa, mé o-fon mi yème bien shof solèye é lo mo d’dir shof solèye lé plézab dann mon zorèye. Mi shof pa o solèye ! Mi shof pa mwin dann solèye ! Mi shof solèye tou sinploman é sa sé déza in gayar transh de vi pou mwin.

Mi panss sa i sava akonpagn amwin toute ma vi pars finalman sa lé gratuite, sa lé gayar, sa lé émab é la pa bézwin d’ète parèss pou jouir in plézir konmsa.Wi assiz konmsa, solèye i roti oute po, i amorti oute lénèrji-konmsa ou lé bien, konmsa mwin lé bien é ninporte ki i doizète bien.

Alé ! Mi kite azot rofléshir dsi in n’afèr konmsa é ni retrouv pli dvan,sipétadyé.