Mézami , médame, méssyé, la sossyété koze èk mwin sé koze èk in kouyon, mé sé o pyé d’lo mir k’i oi lo masson . Kozman-la i vé dire in brui ou lé abityé, la pa li pou déranze aou.Mi pé dire azot mwin la viv lontan dann la kanpagne é mwin l’avé zamé antande kok i anpèsh dormi.kok lontan, pars koméla, demoune i s’anplègn de sa.Konm lo brui la klosh i paré koméla sa i kass somèye demoune.In pé i di sa galman pou sérémoni malbar. An fète in brui familyé, an prinsipe sa i déranj pa pèrsone,mé kan ou lé étranj dann in landroi é ou lé pa abityé avèk sa, ala ké wi s’anplègn, ala mèm ké wi sava apèl la loi.. ;Sa i vé dire l’anvironeman lé pa bon pou ou, é é ou k’i vé inpoze oute loi. Poitan néna d’ot son, d’ote brui i kass pliss somèye ké sa . Antouléka, mi invite azot rofléshi la dsi pars si i kontinyé sa sar in problème pou nou.fransh vérité.