Mézami si mi di azot mi yèm kan i diviz la sossyété an dë kalité d’moune : sat lé anlèr é sète lé atèr, sirésèrtin mi sava pa dann sanss mon lopinyon pars san trish dsi la vérité mi profèr in sossyété toute demoune lé anlèr. In pé va dir, sa lé pa possib pars pou zot i fo in sossyété avèk in bonpé dmoune atèr épi in pti pé dmoune anlèr, mé wala mi panss pa konmsa … Lapa konmsa mi oi lé shoz étan kominiss épi étan rényoné.

…étan kominiss mwin lé pou l’égalité, étan rényoné mi panss l’égalité sé inn possibilité a sirtou pa rann inpossib pars dann in péi konm la n’ote lé possib an avoir inn sossyété d’égalité. Finalman sé La franss la fé issi shé nou sète éspèss sossyété a dë vitèss mi siporte moinzanmoin... Mèm mwin lé pa tro loin panss kékpar i fo koupe lo kordon onbilikal.Kan i di dis pour san d’moune néna la moityé bann rishèss lo péi ékatrovin dis pour san i partaz l’ote moityé ni konpran bien néna in kantité d’moune atèr é in pti kantité dmoune anlèr.

Zot lé pou sa zot ? A kondission sé zot ké lé anlèr mé sé pa inn sossyété k’i bote amwin sa é pour dir mi souète nuite é zour k’inn sé zour sa lé ranjé dann bann poubèl listoir. Pou inn bone rézon m’a ésplike azot kan mwin nora in tan… Sipétadyé..