Mézami, médam zé méssyé,néna dé shoz mi yèm bien dann la tradissyon kréol ;Sé bann kozman i marke la solidarité dann noute sossyété. Zot i koné lo kozman : « in min i lav l’ote » pars pou bopé d’moune sa sé la marke la solidarité dann noute sossyété.

Néna galman sak ni apèl « lo kou d’min ».Lo koudmin s éin n’afèr préssyeu pars ni vé ni vé pa pèrssone i gingn paf é tgoute zafèr é kan wi doi fèr in n’afèr wi gingn pa fé, ou lé bien kontan trouv in moune i koné pou ède aou. Pars pou fé in gro travaye wi domann in proféssyonèl an péyan.

Mé pou fèr in pti travaye sinp, wi koné pa fèr, wi demann kamarad pou ède aou. !Dabor inn i fé pli viote, é dézyèmman i koute pa ou ;lo zyé d’la tète… Sak wi ède amwin fèr zordi, domin mi pé ède aou fèr in n’ote afèr.

Ni artonm dann la filozofi, in min i lav l’ote, é mi panss sa lé apréssyab pou la vi an sossyété.

Alé ! Mi kite azot rofléshir la dsi é ni retrouv pli dvan, sipétadyé.