Mézami kozman-la sa i rapèl amwin dé shoz.A komanssé par in konvèrssassion avèk Luçay Langenier. In moune téi pratike bien la lang kréol é in zour pou dir amwin demoune té apré blagué olèrk li di « patati-patata », li la di amwin « Gasparin-Brinet ». In dékouvèrte pou mwin pars bann nom-la té pa dsi disk dir mon konvèrssassion.

Pou sak i koné pa, sansa i ansouvien pa,Gasparin épi Brunet lété dë polkitissien la fé in grann karyhèr é d’apré sak mi panss inn é l’ote la lite inn kont l’ote in bon koupe de tan.D’inn sèrtène fasson zot la fé in pé listoir La Rényon - in pé konm Vergès-Virapoullé si mon kozman i malkontante pa zot tro.

Astèr sa té galman in boisson si mi raporte amwin lo liv Daniel Honoré « somi lo mo » la boisson banna téi apèl konmsa té in mélanz kina avèk ronm blan-Gasparin té bien bronzé é Brunet lété in blan La Rényon.Astèr mi arète-la mé mi souète solman in n’afèr sé ké zot i sava dsi zot téléfone konm pikir d’rapèl listoir noute péi épi zot i rode lo dë boug.

Alé ! Ni artrouv pli dvan sipétadyé.