Méssyé, Médam, La Sosyété, koz èk mwin sé koz avèk in kouyon mé sé o pyé d’lo mir k’i oi lo masson.. Mézami sa i vé dir si zot i vé,la bonté néna son limite sansa si zot i vé ankor la sharité bien ordoné i komans par soi. Sa i vé dir galman nourir in parazite la pa in bon lidé. Biensir sa la pa in provèrb rényoné mé in provèrb tanzanien. Issi La Rényon mwin la konète lo tan si in moun i pass l’èr manzé i done ali in boushé manzé mé aprésa lé fini, shakinn i rant shé soi. Toudinkou mi panss in provèrb nout toutt i koné bien é i di konmsa :"Donn in pyé i vé in karo".alor si in vizitèri pass konmsa par azar i fo pa fé in gran familyarité avèk li, i fo atann bien konète ali pou fé zami-zami. Alor, mi kite azot rofléshi la dsi é ni artrouv pli d’van.Sipétadyé.