Mézami mi panss dann zot lantouraz néna d’moune néna la movèz shanss, otroman di la shyass mé néna in movèz shanss normal k’i ariv inn foi tazantan, épi la movèz shanss sistématik.

Sé sète-la k’i apèl la vévé.La vévé katarlé sé lo pli pire.. Kaziman sansa kwaziman in malédiksyon . Domaz mi koné pa oussa mo-la i sorte é koman sa l’ariv dann diksyonère .

Mi yèmré trouv toussala dann in léksik sansa in diksyonère mé la pa touzour ké lo bande bon ramassèr lo mo, i fé léfor pou done in ransègnman konmsa. I paré dann léksik Boris Gamaleya néna bonpé lésplikassion mé la myène la pèrde-domaz !

Sé konmsa ké li la ésplike amwin son tonton ali néna gro-tète é li atire mové léspri, lo dyab é konpagni, l’ame lo mor pa ramassé. Aprésa, mwin la done ali in boisson, é li a obliye boir-mi poze amwin késtyon.

Alé ! mi kite azot rofléshi la dsi é ni artrouv pli d’van.

Sipétadyé !