Médam, Méssyé, La sosyété, koz èk mwin sé koz èk in kouyon, mé sé o pyé d’lo mir k’i oi lo masson. Mézami, kréol néna in provèrb i di : « la vérité néna in sèl koulèr ! » mé mi panss mwin la fine dir azot sak mi anpanss de sa.Zistoman la vérité d’apré sak mi kroi li lé in pé panashé. Donk pou mwin sa i vé dir i fo pa pran ali kru konmsa ; i fo prann ali rolativman. Tèl shoz lé vré issi, lé pa vré ayèr, lé in pé vré tèl androi, in pé fo tèl ot landroi é sak I pans li pé fé oir la vérité touni, li fé in lérèr pars pou bien passé in vérité I doizète bien prézanté, é bien prézanté I vé dir wi déguiz ali in pé. Mi panss zot la fine konprann lo tour é lo détour mon panssé. Sé pou sa mi invite azot bien rofléshi la dsi é ni artrouv pli d’van. Sipétadyé.