Mézami ni vé ni vé pa mé pou fèr kékshoz i fo néna lo moiyin kissoi lo moiyin imin an kantité é an kalité, kissoi matèryèl pars défoi lo matèryèl i égziss mé lantropriz avèk ladministrassion i fé lo difissil pou ashté lo matèryèl.

Pa pli loin ké dimansh soir mwin la antann dann télé la plipar bann bato d’pèsh néna pliss vin-sinkan é zot lé danzéré pa si tan tèlman pou lo poisson mé pou lo bann pèshèr an danzé dann in loséan a pik konm losséan indien. Lé sir bann bato la bézoin ronouvèlman mé sa i fé pa konm in lète a la post sirtou avèk bann zadministrassion épi bann fonksyonèr birokratizé.

Normalman noute sistèm ékonomik kapitalist lé kalkilé pou ronouvèl bann moiyin kan l’èr l’arivé, mé lé bien rar lo ronouvèlman i ariv an tan é an èr ars i mank pa demoune pou ral an aryèr dann in lantropriz sansa in ladministrassion… Pli pir pou nou bann péi l’outre-mèr pars noute bann bézoin lé souvan défoi mal kalkilé. Arzoute èk sa kan wi komann pa vréman shé ou ké boudikonte sé p aoute pèp k’i désside.

Alé ! Mi kite azot rofléshir la dsi éni retrouv pli dvan, sipétadyé.