Mézami zot i koné kan wi fé in n’afèr i fo sa lé klèr. Si sé in sha i fo wi oi li bien sou toute son koutur é wi oi si sa i bote aou pou vréman. In koshon lé parèye galman, i fo pa ashté ali dann gouni.

Mé toussa pou di koi ? Pou dir toute afèr wi fé i doizète transparan é wi doizète sir ou l’apré fèr l’afèr ké wi vé é pa in n’afèr loush ou lé riskab rogrété.

Si wi vé fèr in n’afèr i fo wi assir aou sète afèr-la sé l’afèr k’wi vé fèr é souvan demoune i di dann in n’afèr i fo zoué gagnan-gagnan donk lé dë parti i doizète gagnan épa inn pèrdan é l’ote gagnan. I fo pa inn i roul l’ote dan la farine konm sa i ariv kékfoi.

Alé ! Mi kite azot rofléshir la dsi é ni retrouv pli dvan, sipétadyé.