Mézami mi panss, konm mwin, zot i koné kozman-la pars noute famiye la fine dir é rodir avèk nou sa dopi lontan ?Biensir ète toussèl lé pa in bon sistyassion révé, mé si ou lé mal akonpagné, wala in n’afèr ni yèmré pa.

Astèr alon rofléshi in pé dsi la sityassion d’ète mal akonpagné. Par ki sa i vien ? Sirésèrtin noute famiye va parl anou « lantrènman kamarade » pars la plipar d’tan in famiye i romète pa an koz zot zanfan mé lo kamarade zot zanfan. Konm i di : « Lo zo i soutien la shèr. »

Astèr kissa l’otèr si ou lé mal akonpagné ? Mi panss la résponsabilité i pèz in pé dsi lo lakonpagné épi dsi lo lakonpagnan. Anfin mi oi lé shoz konmsa é mi invite azot rofléshir galman dsi la késtyon. Pé sfèr sa i pé rann azot in pé obzèktif.

Alé ! Mi kite azot é ni retrouv pli dvan sipétadyé.