Mézami, médam, Mésyé, La sosyété mi panss zot sé d’moun dézintéréssé zot. Vré pa vré ! Shakinn i gard l’èr dsi son révèye. In pé i fé sak zot néna pou fèr é i kass pa pliss la tète pou sa. Mi souvien in zour , mwin la di avèk in prètr katolik, mi panss pa i fo atann in rotour.Li la réponn amwin : Sé out fasson d’voir l shoz mé la pa toulmoun i panss konm ou. In péi atann in rotour é zot i romèrsyé solman si zot la gingn satisfaksion. Dann mon famiy, koté malbar konm koté krétien, néna d’moun i fé in promess kont in satisfaksyon é si zot i gingn sarisfaksyon, l’èr-la é l’èr-la solman zot i réspèkt zot promèss.. .Sak i fé avèk bondyé, i fé avèk demoun :si i invite aou zot kaz sé pars néna in favèrpou domandé. Mwin mi apèl bann moun-la, bann débi- krédi : touzour kékshoz kont kék-shoz é na pwin dézintérèssman ladan. Alé ! Mi kite azot rofléshi la dsi é ni artrouv pli d’van. Sipétadyé.