Wala in drol zafèr an vérité : kok i shante é sa i fé lèv demoune. Mi trouv sa drol pars étan jenn l’avé in kantité kok dann noute voizinaz é mi souvien pa k’sa la kass mon somèye. A ! biensir rante dë somèye wi antan kok shanté mé san pluss ké sa.

Mi souvien in vakanss mwin lété shé d’moune koté in légliz é lorloz téi sone toultan konm in lorloz i fé é lo propriyétèr la di amwin : « Pé sfèr wi gingn pa tro dormi par raporte lorloz pars li sone for pou vréman ! ». Promyé nuite mwin la antann in pé lorloz mé a partir dézyèm nuite sé konm si li téi égziss pi. Antouléka pou mwin !

Koméla demoune i porte ziska plinte pars kok i déranj azot é mi rapèl mèm la fé in prossé pou sa dann péi zorèye é néna bann ziz la parti diriz in prossé konmsa. Konm koi, néna d’moune i yèm pèrde zot tan épi fé pèrde lé z’ot zot tan.

Antouléka i fo rofléshir la dsi ,é ni rotrouv pli dvan sipétadyé.
Nb-pou sak i yèm séga morisien néna inn i anparl sa zistoman