Médam zé Méssyé zot i oi koman piman lé shèr koméla.Fransman mi di azot lé bien difissil, pars lé shèr, trouv dé troi grin pou mète dann kari sansa dann rogaye. I fo dkir ossi avèk in siklone shak ané, pliss sépa konbien gro grin d’plui, lo pyé piman i va pi.Li koné pa koman, li va fé pou doné.

Kan i di koméla i fo apèl amli méssyé sé par sonpri pa par son gou pars mèm log ou lé pa sa. Normal ! In pé la trouv moiyin déplante noute bann pti piman La Rényon pou plante sak lé in pé amèr an kroiyan zot va trouv zot bonèr la-dan.

Donk lo pri i fé k’in pé i apèl ali méssyé mé lo nom-la lé pa a mon gou.Sak lé a mon gou sé bann pti piman kréol sansa toute varyété piman l’avé issi lontan kissoi piman- soriz, kissoi pili-pili, kissoi ankor piman blan. Mézami si mwin néna in konsèye pou done azot mi diré azot tazantan-pa toultan pars li pé éshof in pé- kronm in pé piman kabri. Sa lé vanté mi di azot.

Anfin wala pou moin i fo prézèrv noute bann varyété piman, pars o fon sé sa i mérite lo nom méssyé.
Ni artrouv pli dvan sipétadyé.