Mézami la pèsh mirakilèz lé rar sa koméla : dabor pars sé l’ivèr é dann l’ivèr poisson i bèk pa épi kréol la détrui bonpé, épi ankor la polissyon la fé son mové travaye.

Défoi i di poisson i koné lir, défoi i di « karang i koné lir » é sa i vé dir karang i lèss pi trape ali ninporte koman mèm kan wi pèsh a la trène. Mé par l’fète si ni obliye in kou lo poisson épi lo karang nou néna in lékpréssion i Pé z’ète valab pou la vi an sossyété… Défoi wi vé fèr inn bone afèr dsi la boss demoune wi pran azot pou pli bète ké zot i lé.

Mé néna in kozman i di : « Moune vilin néna ankor, moune kouyon na pi ». Toussa pou dir dann noute sossyété néna moinss gogo ké ni kroi,donk moinss poisson pou akrosh avèk lo zin, donk moinss moune i kroi père Noël an pijama.

Alé ! Mi kite azot rofléshir la dsi é ni rotrouv pli dvan, sipétadyé.