in kozman pou la rout

« La fain i pé pran la bastiye, mé li pé ossi ar-rann sa l’énmi »

In kozman pou la rout

Justin / 11 févrié 2021

JPEG - 43.6 ko

Médam, méssyé, La sosyété, koz èk mwin sé koz èk in kouyon, mé sé o pyé d’lo mir k’i oi lo masson. Mézami, mi sorte trouv kozman-la dann in liv provèrde é mwin l’aranz in pé solon mma soss amwin. Pou kosa mwin a roprann sa, Pars, d’apré mwin, sa in kozman pou fé travaye la tète demoun i vé fé in révolisyon. Si lo pèp la fain, li pé déside kassé-brizéépi ranvèrs lo pouvoir. Mé la fain i pé galman azir an sans kontrèr, é moun lé dann lo bézoin i pé fé ashté azot par lésploitèr. Kalkil bien sa : in mèm zafèr i pé ète bon konm ète mové késtyonn shanj lé shoz- sa i dépann lidéolozi dominante a in momandoné. Sa i dépann galman lo rapor dé fors é la kapassité déssèrtin néna pou roul demoun dann la farine. Alé ! Mi kite azot rofléshi la dsi é ni artrouv pli d’van. Sipétadyé.