Mézami , mi koné pa si zot i rapèl kozman-la .Mwin mi rapèl bien d’sa pars sa lété ropri dann in shanté in kamarade l’avé fé étan étidyan é noute toute té i ropran an kèr dann tan nou té i fé noute zétide dan La franss.

I fo dir dann tan la, la vi té in pé dir pou bann zétidyan rényoné té i fé zot zétide dann bann gran vil franssé avèk in klima nou té pa abityé sirtou livèr mé sa téi dir in bonpé moi dan l’ané é avèk larzan téi manke souvan.

Kossa sa i vé dir d’apré zot ? Pou mwin sa i vé dir dann in linstalassion, néna lo pwin for épi néna lo pwin fèb é pou kassé konte dsi lo pwin fèb pou sède avan é dann toute shoz néna bann pwin fèb é si wi vé fé sédé sé dsi lo pwin fèb i fo porte oute léfor.

Mi di pa zot pliss mé sirésèrtin bann léktèr témoignages i koné sak i vé dir.I koné ossi sa lé valab dann toute konstrikssion imène lé sisséptib kraké kan wi atann lo mwins.

A domin sipétadyé.