Mézami, mon bande dalone é dalon, mi panss zot i koné kozman-la pars néna sa in pé partou, issi mèm é dann péi étranj. D’mon koté mwin lé a d’mandé si lé vré pou vréman sansa si d’moune lé préssé oir la maladi alé, é i trouv toute fasson li mète lo tan-tro lo tan-pou li alé.

Parèye pou l’arivé in maladi défoi li ariv vitman, défoi li mète lo tan pou arivé mé kan li ariv sé toultan tro vite é pèrsone i atande pa li . Zot i koné na dé foi demoune i parl sa pa solman pou la maladi, mé galman pou la mizère , pou la shiass ossi.

Finalman, toute sak lé pa bon i ariv tro vite, é li pran lo tan pou li alé. Mi rapèl in zour in moune la di avèk mwin : in èr d’mladi, lé pli long k’in zour an bone santé.

Ala pétète la vérité !
Alé, mi kite azot rofléshi la dsi é ni artrouv pli d’van.

Sipétadyé.