Mézami i paré dann l’Afrik laba, pou trape sinz i mète in banane dann in pyèz é kan lo sinz i rode trape lo banane, si son min i rante fassil pou alé trapé, pou arsorte ladan sé in traka pa possib pars son min fèrmé dsi lo banane i arsorte pi.

Issi shé nou néna in kozman i di sak mwin la marke an-o la mé pa avèk in sinz, sinploman avèk in shien kan li vé trape in morso la vyann dann fon larozoir : son guèl fèrmé i rante bien, mé son guèl domi-ouvèr avèk késhoz dodan li gingn pi sortir é sé pou sa li kour partou avèk la tète pri dan larozoir.

Dan noute ka, si nou lé pri konm lo shien dan larozoir zot i konpran dann kèl tourman ni lé é koman lé inpossib shapé…

A domin sipétadyé.