Mézami , mon bann dalon,

Souvan dé foi wi pé ète o kouran in moune i vé pa ou arienk di bien l’apré monte in bob konte ou é dé foi demoune i mète aou an garde. Antanssion moune-la l’apré poz in pyèz konte ou. Pars alé pa kroir néna z’afèr konmsa arienk dann fime télé- konm in pé i di : « la réalité i dépass la fikssion ». I fo dir la fikssion i trouv souvan défoi son linspirassion dann la réalité

Dok si in moune i tourn son fime konte ou, kossa wi pé fèr ? Lo myé sé ké wi prépar aou pou démate son pyèz. Normalman si ou lé prévni, sa lé pli fassil é pliss wi fé sète i koné pa pliss sar fassil pou démate lo pyèz provi ké wi prépar aou an konsékanss é kan wi di ou valir zpoinal an atandan, biensir sé lo kontrèr k’i éspass.

Kèl sar la fin d’listoir ? An l’éta, ni koné pa.I pé tourn an oute favèr sansa an favèr oute l’ènmi .An atandan mi kite azot rofléshir la dsi é ni retrouv pli dvan, sipétadyé.