Mézami kan i di « la borde in moune », sa i vé dir la mète ali a l’ékar. Poitan in plass bordaz la pa in plass pou ète mi d’koté, mé an kontrèr in plass pou ète intégré kékpar : dann in travaye, dann in sossyété, an parmi tou sinploman.

Kan i di « in plass bordaz » i razoute « in pti plass bordaz » donk pa in gran plass, pa in plass pou gingn in bon moné, mé in plass wi gingn lo pourkoi k ‘ i fo pou viv.

Koméla i diré lo smic, mé avan téi anparl sinploman in pti plass travaye. Mé mwin la fine dir azot sa i konssèrn pa solman lo salèr épi lo travaye donk ni rovien pa la dsi.

In zour in miniss la di li fé lo nésséssèr pou pa lèss demoune dsi l’bor shomin. Dir èk fèr lé pa parèye.Pars dopi k’la di sa konbien demoune lé léssé pour konte ? In ta avèk in paké.

Alé ! Mi kite azot po zordi é ni retrouv pli dvan, sipétadyé.