Mézami,médam, zé méssyé , la sossyété, lé pa toulézour wi gingn in bon akèye. Défoi oui, défoi non, sirtou dann in sossyété wi koné pa bien lo tik-tak koman i fonkssyone.

Mwin lé sirésèrtin, noute toute i garde dann noute mémwar in souvnir amèr d’in mové akèye nou la gingn in zour. L’èrk nou téi kroi nou téi sava bien rosovoir anou sé l’kontrèr la spassé. Si tèlman kan ni majine in n’afèr konmsa néna konm in vyé fon la onte i romonte lo tan pou fatig anou ziska zordi.

I apèl sa in boush-ta-guèl osinonsa in boush-ton-guèl antouléka in mové zakèye konm wi pans spa sa i atrann aou.

Alé ! Mi kite azot rapèl azot souvnir-la, si zot i vé, osinonsa éfass sa dsi zot dik-dir é ni retrouv pli dvan, sipétadyé mé lé vré k’in bon boush-ta –guèl sa i obliye pa fassilman.