Mézami souvan dé foi, pou sète istoir d’maryaz, lantouraz famiye i fé lanmanshman é si lo zanfan , karaktèr lé fèb,ala ké li lé anbarké dann in konplikassion i dépass ali. Li vé di non, li pé pa, é kan li pé pa lantouraz i konpran li la di « oui ».

Dann toute famiye i rakonte souvan koman inn osinonsa l’ote la trouv ali maryé par kékshoz i rossanm in pyèz é koman li téi gingn pi ansorte ali.Lé vré koméla lé fassil pou maryé, konm lé fassil pou démaryé alor wi pé tonm dann pyèz konm pa- é si ou la tonm dann pano wi pé shapé.

Lontan demoune téi di lo maryé la boir d’lo bandèz-bandèz èpi baké sé lo mèm zafèr… In réssipyan téi ansèrv pou fé la toilète.Azot konpran par zot mèm kèl lo lo moune pyézé la boir mé sirésèrtin zot la fine konprann l’afèr.

Alé ! Mi rotrouv azot pli dvan, sipétadyé.