Mi souvien in kamarad té i di toultan : mwin lé pa tro for ladsu, mwin lé pa tro for la dsu.L’èr pou manzé, li lé pa tro for dsu manzé.L’èr gouté li lé pa tro for dsu gouté.Toute son n’afèr dan la vi li lé pa tro for ladsu.

Si tèlman étan lékol , konm li téi di touzour sak mwin la di azot é lé marké an-o la, marmaye l’apèl ali-dizon la done ali in pti nom, pars fitintan toulmoune l’avé in pti nom :kissoi bann zélèv, kissoi bnn mètr, kissoi demoune l’avé shakinn in pti nom. Si zot i lir bann zistoir lo père Christian Fontaine-zistoir Tikok- zot va trouv bann pti nom bann marmaye téi done konm Gargoulète,la poussyèr, kari poi, pate torte, gro tète anfin bonpé pti nom konmsa.

Pou arvnir dsi listoir mon kamarad mi di azot-la ébin li la grandi é l’èr kite lékol l’arivé.L’ariv in soir son momon la domann ali si li téi yèm lékol.Sak i dové arivé l’arivé pars li la réponn : « Momon mwin lé pa tro for dsi lékol ! » é zour-la mèm li la pi parti lékol é li la vèye son bann pti frèr ti sèr é kroi amwin si zot i vé, mèm sa li lété pa tro for dsu..

Alé ! Ni arète tèr-la é ni retrouv domin sipétadyé.