Mézami, mi koné pa si zot la romarké mé na d’moune i koz for, pétète pars zot i antan pa zorèye, pétète pars zot lé abityé travaye déor donk an distanss i fo zot i fé antann azot.

Donk souvan dé foi in moune i koz for san romarké é si i roprosh ali son tro for kozé, li réponn l’organe lé for. Donk lo voi lé for é si ou lé pa kontan wi pran konstan.

Mwin la konète bann famiye, toulmoune i koz an mèm tan dann in pti pyèss si tèlman i fo wi kriye pou fé antann aou. Mi parl pa zot lo tapaz i fé dann la kaz-la mé i diré sa i déranz pa pèrsone.

Mi kite azot rofléshir la dsi é ni retrouv pli dvan, sipétadyé.