Mézami, mon bann dalon,dopi mi fé mon bann kozman pou la route pa arienk in foi mwin la ézite dovan kozman-la. Pou kossa d’apré zot ? Pars in tan pou mwin kozman la lété marké avèk lank l’inégalité rante bann fiye épi bann garsson. Dézyèm zafèr mwin téi anpanss galman in pé pli tar lété bann vyolanss intra-familyal pars sa i fini mal an zénéral kan bann fiye i réklam zot égalité.

Poitan zordi kan mi ropanss mon bann zézitassion mi konsidèr bann fiye kan zot téi réklame zot égalité issi épi dann d’ote sossyété zot l’avé rézon é téi fo pass par-la, mèm si in pé la mète zot sékirité dann danzé-é si zot i mète ankor zordi.In rogré, sé ké la sossyété ziska zordi la pa pran bann mézir k ‘i fo pou protèj lo bann fiye alé oir lo bann garsson téi proklam partou zot soi-dizan sipèryorité épi zot droi sipèryèr.

Mi larg mon kok .Sak néna poul i ramass.In réalité dépassé ? Malorozman bann sossyété i tir pa zot déguizman d’lo passé vite konmsa. Lo passé i arète pa suiv anou é kan ni panss lo passé lé dépassé, wala ké sa lé pa vré .la sossyété i mète lo tan pou tir son vyé linz.

Mi kite azot rofléshir la dsi é ni rotrouv pli dvan, sipétadyé.