Mézami, mi panss zot i koné kozman-la, pou in bonpé rézon, é sirtou pars néna in ségatyé sélèb batizé par li mèm, lo Prinss du Séga, la mète sa dann son séga-zot la fine rokonète Michel Admette pars néna pwin d’ote shantèr ké li pou shante bann séga konmsa. La vi kotidyène d’inn sèrtène fasson.

Solman wala néna dann son séga in kontèks mi apréssyé pa bonpé sé kan li di : « Zanfan la pa mwin, mi done pa manzé, mi nouri pa lo vèr pou pike mon kèr »… Mi koné pa koman zot i apréssyé in kozman konmsa, mé mwin pèrsonèl mwin lé in pé jéné par rapor lo kozman.

Alon dir ni pran pa bann paroli-la dann promyé dogré é ni kroi toute la famiye néna lo droi mèm si zanfan i sorte koté gosh osinonsa koté droite.

Alé ! Mi kite azot rofléshir la dsi é ni retrouv pli dvan sipétadyé.