Médam zé méssyé, la sossyété, mi panss zot i koné la doulèr tonm dann in ni fourmi, sirtou fourmi k’i morde,kalité fourmi i pike aou in landroi é la doulèr i propaz dann d’ote koté. Konm par égzanp fourmi magnok épi d’ote ké zot i koné biensir kissoi rouz, kissoi noir, kissoi pti, kissoi gro ….

Mé la nou lé apré parl ni fourmi an vré mé néna an sossyété kalité ni fourmi san fourmi é m pé dir azot sa lé pa agréab ditou vi k’wi tonm dan in lannuyman san fin avèk in sityassion kritik si tèlman wi ariv pa ansorte aou san déga é ou lé a d’mandé si wi sava sorte ladan in zour.

Défoi i di ossi ni d’puss é sète la lé parèye lo ni fourmi avèk in kalité tablatir ou té i mazine pa pou vréman. Biensir shakinn dan la vi, mèm toulmoune, momandoné d’la vi ni pé rotrouv anou dann in sityassion inkonfortab é sèl éspoir sé d’an sorte dodan lo pli vite possib.

Alé ! mi arète la zordi é mi kite azot rofléshir la dsi é ni retrouv pli dvan, sipétadyé.