Mézami, mi panss in bonpé rantre nou i koné kozman-la pars étan pti nou la antann ali, l’èr-k’nou la grandi nou la antann ali ankor, astèr dann noute vyé laz, ni antann ali touzour. Donk ni pé dir kozman-la néna la po dir é la pa zordi, li va disparète.

Mé astèr, kossa li vé dir pou vréman ? Sé pa in n’afèr d’ashté ni d’vande.Non va ? Mé plito dsi kékshoz la spassé é k’mi rakonte.Mi rakonte konm demoune la rakonte amwin. Si lé vré mèrssi Bondyé ! si lé pa vré pardon éskiz. Mantèr la pate lé kourte toute fasson é konm di lo konte : « si l’zistoir lé mantèr, la pa mwin l’otèr. »

Alé ! Mi kite azot rofléshir la dsi é ni rotrouv pli dvan, sipétadyé.