in kozman pou la rout

« Min tann, vant vide ! »

In kozman pou la rout

Justin / 3 désanm 2020


Médam, mésyé, La sossyété, koz èk moin sé koz avèk in kouyon mé sé o pyé d’lo mir k’i oi lo masson. Biensir, mi panss zot i konpran kossa nout kozman i vé dir. I vé dir si wi travaye pa wi manz pa, dann in tan lo travaye té sirtou manuèl. Mwin la konète lo tan désèrtin bo-pèr a prétann, téi sèrr la min zot fitir zann pou oir si la min lé dir, si sé la min in bon travayèr. Mé lé shoz i shanj vite :néna in tan pou fèr bien téi falé ou sé in mari d’instititris. Na défoi, la bèl famiy téi kontrol pou oir si la fitir bèl fiy l’avé son karné d’shèk. Tousala i éloign anou par raport lo santiman , par rapport l’amour. Alé ! Mi kité azot rofléshi la dsi épi fé lo tour d’la késtyon. Ni artrouv pli d’van, sipétadyé !