Médam zé Méssyé, la sossyété, mwin lé sirésèrtin an parmi zot frékantassion zot néna d’moune par dégré. Sa lé pa rar sa : i di in pé lé siklotimik, i di ossi lé bipolèr mé sète-la sé in vré maladi doktèr i pé soigné.

Viv avèk in moune lé par dégré, mi assir azot sa la pa fassil pars in moune par dogré, la plipar d’tan, lé inprévizib ; kékshoz i amiz ali zordi, i malkontante ali domin. Arzoute èk sa, I fo wi atann la nuite pou konète si ou la pass in bon zoiné pars tangaz i pé pète kan wi atann lo moinss é fransh vérité, ou lé stréssé in max dopi lo matin ziska lo soir.

Solission ? Si néna in solission, sé pétète la distanss. Mé nou va anparl de sa iun n’ote zour.

A bon antandèr salu ! Ni artrouv pli dvan, sipétadyé.