Koméla doktèr la fine invante toute kalité la maladi. Dann tan té pli sinp pars maladi l’avé mwinss.In légzanp , lo pyé : Koméla lo pyé néna toute sorte maladi,avèk toutesorte lo nom, toute sorte doulèr. Krab sou lo pyé sa téi sifi anou dann tan, koméla lé pi sifizan…

Si zot i kroi pa, alé koz avèk doktèr, sansa avèk tizanèr, otroman guérissèr é zot va rann azot konte koman lo pyé lé fine ariv konpliké, kissoi pou konète son maladi, kissoi pou guéri son maladi. Mèm mwin la antann in moune bien kalifyé apré dir amwin : maladi lo pyé, sa i guéri pa,i pé ziss apèze in pé la doulèr.

Dann tan nou téi di demoune l’avé krab sou lo pyé é li l’avé kék zané pou li marsh an kanar mé sa lété pa in maladi mortèl. Néna d’moune la marsh konmsa san t’an apré lé mor mé sa sé in n’afèr demoune la di amwin… Mé mwin la pwin la prèv.

Alé ! Mi kite azot rofléshir la dsi si zot i trouv i vo la pène é ni retrouv pli dvan, sipétadyé.