Mézami zot i koné zoizo martin ? Sa in zoizo malèr sa ! Si son filé lé bien koupé li koz vèye pa koman. Mé par l’fète, kossa i vé dir koupe filé zoizo martin ? I paré sé koupe in frin pou li gingn kozé. In pé i di pou zanfan ossi i fé sa, mé mwin lé pa tro sir pou zanfan.

Antouléka sak lé sirésèrtin sé kan in marmaye i koz bien sansa i koz in bonpé son famùiye i di son filé lé bien koupé. Alor ?Alor koué ! Mi yinmré bien in syantifik i ésplike amwin sa avèk lo bann nom syantifik é tou pars sirman néna lo nom pou bann pyèss la lang, kissoi dann la lang franssé, kissoi dann la lang kréol pars i fo pa non pli prann anou pou demoune kouyon.

Mé par l’fète zot i pé dir amwin si zot la déza antann in martin kozé, sifflé, rakonte toute son barokri ? Mi pans spa li done in sanss son kozman mé lé kante mèm gayar.

Alé ! Mi kite azot rofléshir la dsi é ni retrouv pli dvan, sipétadyé.