Médam, zé Méssyé, La sosyété, koz èk mwin sé koz èk in kouyon, mé sé o pyé d’lo mir k’i oi lo masson. Mézami,mwin la sir zot la fine gingn traka, pars lo prop dé l’om sé d’gingn traka dan la vi. I paré in moun néna bonpé traka, i vif pli vyé k’in moun é i viv béatoman. I paré, mé mwin lé a d’mandé si lé pa pli proférab viv in pé moin vyé ! Antouléka, mwin la fine antann dir, si wi vé obliye out traka, ranplass ali par in bon nouvèl, sansa par in mové nouvèl : sa sé in rossète vyé moun d’apré sak i paré. An touléka, i fo wi ansort aou, pars la pa in bon solisyon ké toun, rotourn é artourn sa dann out kok :li lé riskab bloké, zot i koné ?Alé, mi arèst in kou pou l’instan é ni artrouv pli d’van. Sipétadyé.