Mézami wala lo kozman mwin la marke zordi pou nou koz déssi. Mi koné bien zot i koné kozman-la mé lé bon ni kalkil ansanm kossa sa i vé dir kansréti pou savoir si ni koné.

Bien antandi si ni anparl de sa, sar pi késtyonn kabri ni d’salade mé d’in losson ni tir pou noute vi an sossyété. Pars , la plipar d’tan in kozman sa i amenn anou a kalkil kossa sa i vé dir an sossyté. Si ni di « kabri i manz salade » bien sir sa lé pa dann noute intéré mèm sé in manyèr pou détrouss anou.

Ni atann kékshoz de bon, mé lo kékshoz i ariv pa é lèr-la sé lo kabri k ’i manz salade mé sé pa nou. In légzanpe apré siklone : ni atann kouran, ni réklame kouran, lédéèf i promète anou sa v’ariv tanto talèr mé i ariv pa. L’èr-la kan ni konstate sa ni pé dir : « Pandan s’tan-la kabri i manz salade ! » é konbien foi sa i ariv dann noute sossyété kan ni atann in sèrviss lé inportan pou nou.

Alé ! Mi kite azot rofléshir la dsi é ni retrouv pli dvan, sipétadyé.