Mézami, mon bann dalon, mi koné zot i koné kozman-la é sirman pa arienk zot-sak té la avan zot épi sak va vni apré zot. Na pwin pèrsone lé étèrnèl, mé déssèrtin prinssip i dire. Sé konmsa ké déssèrtin prinssip ni oi zordi va diré mèm si li roprézante in mové koté d’la sossyété.

Pou kossa mi di sa sé in mové koté d’la sossyété ? Pars kan n’i kroi lé shoz va avanssé, lé shoz va amélyoré-pli zamé sa, in pé i di ! Lé shoz i kontinyé mèm si wi vé pa zot i kontinyé, si ni vé éfass ali an parmi dann la sossyété dann la réalité ni ariv pa éfass ali é li kontinyé.

Mwin lé sirésèrtin pou mwin, konm pou zot, ni yèmré oir bann movèz shoz disparète, mé zot lé touzour la.Zot lété la avan nou, zot lé la avèk nou, zot sar la apré nou. O fon, la sossyété lé imène é l’om néna défo é son défo li disparète pa si fassilman ké sa.

Mé sak lé mové zot ossi zot i kontinyé é konm i diré : « Pandann tan-la Kabri i manz salade ! »

é ni artrouv pli dvan,sipétadyé.