Mésyyé, Médam, la Sosyété, kozman-la sirman zot la fine antann sa bord’mèr, sansa koté ila rivyèr, sansa ankor koté in bassin. La ni anarl la pèsh-la é zot i koné poissonsa lé malin, sa lé visyé, é si ou i atir pa li avèk in bon l’apa , ou lé prèské sir artourn out kaz brédouye. ankor i fo ou lo péshèr, ou ossi ou i fé zoué la malis avèk poisson. Mi rapèl in vyé kamard péshèr, téi amenn anou étan pti pou pèsh poisson, kisoi dann kanot, kisoi dsi galé noir. Kroir amwin si zot i vé, kroir pa mwin mé l’androi nou téi trap pa arien li téi atrap.In zour nou la dmann ali : gramoun ni pèsh dann mèm l’androi é ou wi trap é nou non. Li la réponn:marmaye lo sogré lé dann l’apa.Alé oir li konm nou téi ansèrv mèm l’apa. Apré lo la di:marmaye mi pèsh dopi sinkantan, é forséman an sinkantan wi aprann dé shoz. Zot osi zot va trap poisson, mé i fo zot i aprann lontan. Alé ! Mézami, mi invite azot rofléshi ladsi é ni artrouv pli d’van. Sipétadyé.