I di sa kan wi shèrch in n’afèr lé dir pou trouvé, dizon lé kaziman inpossib kissoi pars lé rar, konm korn lapin, kissoi pars wi pé rodé mé wi trouv ar pa.

Mi rapèl étan pti nou l’avé in voisin toultan té apré rode trézor. An plin dann gro nui avèk in lanpe tanpète li téi sava fouyé. Mèm défoi li té i fé ède ali avèk in dovinèr malbar. Sète istoir-la la dir lontan ziskatan mi sorte dann landroi, dan lé o, pou alé dan lé ba.

Lo tan la passé épi in zour mwin la antann konm de koi son famiye la vni rish mé mi koné pa avèk kossa si sé avèk l’or, si sé par son travaye bitassion, si pars li la vann son tèr, si sé otroman. Antouléka l téi dor tar épi li téi lèv bonèr… Aparaman san trouv arien.

Mèm pa la tète la mori pars sa ankor in n’ote afèr, issi La Rényon pèrsone la pankor trouv sa..

Alé ! Ni artrouv pli dvan, sipétadyé.