Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > in kozman pou la rout

« Rozoir vide i fé bonpé dézord-Rozoir plin i fé pa dézord » : kozman pou la route.

samdi 13 févrié 2021, sanm Justin


Médam, Méssyé, La sosyété, koze èk mwin sé koze èk in kouyon mé sé o pyé d’lo mir k’i oi lo masson.Mézami mwin la pran dé d’lot, osinonsa kozman mwin la trouvé pou fé inn tousèl. Pou kossa ? Sinploman pars dizon inn sé lo okontrèr inn i konplète l’ot. Biensir lo sans prop lé pa konpliké é toute marmaye la viv dann la kanpagn dann tan téi sava rode delo dsi la tète, i koné bien lo brui lo rozoir kan li lé vide épi kan li lé plin. Mé lo sans figuiré sé in n’ot afèr é lé blijé kass la tète pou konprann sa, ankor pliss pou ésplik lo zafèr. Toutfasson avèk bann léktèr konm sète nout zoinal, kalifyé dann la kiltir rényonèz, la pa bézoin tro éspliké, ziss mète inn koté l’ot é sa i sifi. Donk mi arète tèr-la é ni artrouv pli d’van.Sipétadyé.



Inn modékri, inn ti lavi, inn komantèr ?

signaler contenu


Facebook Twitter Linkedin Google plus