Mézami fitintan lo mo « dékonèr » lété konm i di in galissism pars li té pliss in mo la lang franssèz popilèr la rante an missouk dan la lang kréol. Zordi pou nou sé in mo kouran é bonpé d’moune i ansèrv sa. Antouléka sé sak mi kroi afors antann ali !

Normal pars la lang lé vivan é sa i zène pa èl kapar in mo dann in lang étranj-ni pé dir i kréoliz lo mo.Parèye i antan souvan demoune i di : « arète dékoné don ! » é sa i vé dir arète di bétiz konmsa. Arète plézanté !

O fète, mi sorte rode bann mo-la dann dikssyonèr Alain Armand é mwin la pa trouvé-pé sfèr lotèr téi konsidèr sa konm in « zoréyism » l’avé pwin son plass dann noute lang kréo kan son liv l’aparète. Amwinss k’i fo mi sanz linète pou oir myé.

Alé ! Mi kite azot rofléshir la dsi é ni retrouv pli dvan, sipétadyé !