Mézami, médam zé méssyé, la sossyété noute kozman zordi an kontrèr d’sak ni pé kroir, i anparl d’in bon afèr. I anparl la bénédikssion Bondyé.

Si mi di Bondyé va piss dsi zot tète, mi di pa kékshoz vilguèr, mi di pa non pli in grossyèrté, mi parl Bondyé é koman li pé bien okipe anou si ni priyèr ali bien san aryèr panssé, san z’ète tro intéréssé.

In pé va dir Bondyé va pini aou-pars Bondyé i pini pa galé-mé o fon d’apré bann demoune i yèm bien Bondyé i fo atann de li dé bone shoz é pa bann movèz.

O fète, mi koné pa kossa zot i anpanss pou vréman é sé pou sa mi kite azot roflèshir par zot mèm é ni retrouv pli dvan, sipétadyé.