Mé dam zé méssyé, la sossyété,dsi la késtyonn fors néna la fors natirèl, sak wi gingn an néssan épi an grandissan korèktoman. Mwin lé sirésèrtin an parmi zot konéssanss, sansa dann zot souvnir zot la sirman antann parl in moune for konm Zan Valzan-i di ossi for konm piman mé sa sé in ote zafèr i éloign anou par rapor noute poinn dépar.

Mé atanssion, néna for é for, néna for natirèlman konm mi sorte dir an-o la, épi néna sak lé for pars la fé in pakt avèk Grandyab an éshanj kékshoz lé pa nète.Ni pé apèl sa in forss frodé é kan ou néna afèr in moune konmsa avèk in forss frodé, soi ou lé for natirèlman, soi ou ossi ou la sign in pakt avèk in léspri for é sa i done aou-artifisyèlman-la forss pou rézisté. Soi wi zoué avèk lo sor é sa i done aou galman in forss artifissyèl.

Alé ! Mi kite azot rofléshir la dsi é ni retrouv pli dvan, sipétadyé.