Souvan défoi demoune i arète pré-pré mé i frékante pa, mèm si lé famiye. Alé rode pou koué ! Souvan pars mèm rante famiye lo san i akorde pa-la vi lé konmsa ! OLsinonsa l’ariv in grongn dann la famiye. Sa spé ossi demoune i frékante pa é zoot i koné pa pou koué.

Alor tazantan inn ou l’ote i fé in tantativ pou in raproshman, défoi sa i réissi, défoi sa i foir é lo raproshma i kol pa mèm si ma pa ariv in dézakor d’famiye.

Défoi i di galman : « vien aou lakaz, na pwin lion devan la porte ! » é kozman-la lé parèye sak nou la marke an-o la.

Alé ! Mi kite azot rofléshir la dsi é ni retrouv pli dvan, sipétadyé.