Médam zé Mésyé, la sosyété, koz èk mwin sé koz avèk in kouyon mé sé o pyé d’lo mir k’i oi lo masson. Zot i koné in n’afèr, mi aprann pa par kèr lo bann provèrb mi fé lo komantèr, mé shak foi k’i ariv amoin d’ète an sityasion, alor lo provèrb idoine i fé son rotour dann mon tète. ..zot i konékréol i yèm okipé é désèrtènn foi mi diré lé agassan. Sé konmsa ké yèr, mwin la gingn in kou d’fil mon kaz é la pèrsone la komanss késtyone amwin, domann amwin s i mi rèss La rényon dopi lontan, si mwin néna la famiy i rèss in n’ot koté, si mwin lé établi issi. Mwin la komanss par di lo moun : « Sa i rogard pa ou ! » é lé vré téi rogard pa li. Aprésa li la fé lo moun an kolèr, li la di li l’apré travaye é li yèm pa i bouskile ali dann travaye. Mwin la réponn ali in kouyonade pou shapé mé li la rolanss amwin.s i tèlman la rèss amwin konm soisyon d’akrosh o téléfone.Alé !Mi di azot sa po fé rofléshir azot é ni artrouv pli d’van. Sipétadyé !