Dann in famiye néna touzour inn pou fèr lo gran. Li yèm okipe d’ shoz lé pa d’son az. Sé pou sa i di, li fé l’onm d’afèr.

Mi rapèl in zour mwin la lir dann Zistoir Kristyan, zistoman lo ga i apèl Kristian i déklar son momon li vé pi alé lékol é biensir son momon i antropran ali. Aprésa lo moman i rodi sa son mari é i di lo kozman fraz : « Wi koné kossa oute pti t’onm la di ? Néna rienk inn k’i fé l’onm d’afèr issi »

Zot i konpran kan i di sa, i anparl pa in onm d’afèr pou vréman mé sé inn fasson pou plézanté-pa in konpliman an vré biensir mé kékshoz konm in shamélèr, in moune i yèm okipé.

Alé ! Mi di azot sa pou rofléshir si zot i vé é ni retrouv pli dvan, sipétadyé.