in kozman pou la rout

« Zoué la fors sé zoué la fors, mé kossa sa i ansèrv souvan dé foi ? » : in kozman pou la route.

Justin / 17 février 2021

Mézami, mi yèmré rakonte azot in zistoir-zistoir noute voizin téi rèss dann in kaz bidonvil. Lo mari i sava la boutik soidizan pou fé inn-dé komissyon é midi la fine soné li la pankor arivé.Marmaye i di zot la fain an pléran é lo momon i plèr sanm zot é li di : « zot papa la parti la boutik é la pankor rotourné ». Marmaye i plère san fé lo brui, lo momon lé démoralizé. Momandoné lo papa i ariv avèk in sinp boite dolé konsantré dann son min é li kriye bann marmaye. Li pèrse dë trou dan la moke dolé é li di : « Marmaye mète an ran épi rouv la boush ».Marmaye i fé é lo papa i vèrse lé konsantré dann shak boush la prézanté. Lo boug i di bann marmaye : « Astèr alé boir d’lo ! » é marmaye i sava boir d’lo.. Aprésa lo papa i sava mète manzé o fé pars l’avé sakifo dann kofre,.Pa in bon pé mé kante mèm sifizaman. Alé ! mi kite azot rofléshi la dsi é ni artrouv pli d’van.Sipétadyé.