Alon mazine in n’afèr : dizon in moun néna in plas travay. I pèy pa tro, mé koman-koman kan I ariv fin di moi, na in moné sü l’kont la bank. Sa I dir inn-dé z’an, sink’ an, diz’an. Pa san pène, li grandi son bann marmay ti-lamp-ti-lamp. ..Dan son mazinasion,li oi pa kossa i pé éstop in parkour konm la syènn, sirtou k’li lé pa tousèl dann son ka. Zot lé kant mèm 1200.
Éstèr alon mazine, in gro vaza , in boug k’ i gingn la moné an gaspiy , akoz dann son l’administrasion néna in takon dmoun épi li sé in ho-fonksionèr. Tou lé zour, kan li gard ali dann son glas, li mazine : « moin-mèm lo shèf ! »
Alors, konm li sé lo shèf épi lé z’ot lo bann ti kolon, li di : nana 1200 pti kontra i ronouvèl ar pa. Ala lo syèl i tonm sü la tète lo bann pti kolon. Zot i ésèy trouv in rézon pou pa dékourazé : kissa va fé tèl shoz, si la pa zot.. Mé lo shèf blan la pa la èk sa.Kossa k’i lé so bann kontra édé ? La pi la mod sa !
Na in pé va di azot : « Pran pa lo bann zanfan an otaz ». Ébin zot, - épi zot zanfan azot - pou kossa i pran azot an otaz ? Kissa I pran kissa an otaz la ?

Justin